Levandovski Flikning ishini yuqori baholadi

"Barselona" markaziy hujumchisi Robert Levandovski jamoa bosh murabbiyi Xans-Diter Flikning faoliyati haqida gapirdi. Bir kun avval “ko‘k-anorranglilar” safarda “Real”ni 4:0 hisobida mag‘lub etishdi.

"Flik ajoyib ish qilyapti. Nafaqat menga, balki jamoadagi boshqa futbolchilarga ham. Uning qo‘l ostida har bir futbolchi o‘zini qulay his qiladi. Buni “Real” bilan uchrashuvda isbotladik. Biz bir-birimizni so‘zsiz tushunamiz", - deydi polshalik to‘purar.

Madriddagi yirik g‘alabadan so‘ng “ko‘k-anorranglilar” “qaymoqranglilar”dan ochkolar farqini oltitaga yetkazdi.