"Atalanta" direktori jamoa Maldinini kuzatayotganini yashirmadi

"Atalanta" Daniele Maldiniga qiziqish bildirayotganini tasdiqladi.

"U juda katta iste’dodga ega yosh yigit, italyan futbolining eng yaxshilarini namoyish etgan nufuzli oiladan chiqqan, shuning uchun tabiiyki, "Atalanta" uni kuzatib turadi.

Biz uning yaxshi ishlayotganidan xursandmiz, lekin u bizga qarshi ekanligini hisobga olib, keyingi o‘yinda unchalik yaxshi natija ko‘rsatmaydi deb umid qilamiz!" – dedi “Atalanta” direktori Luka Perkassi.

Italiyalik futbolchi "Monsa" bilan shartnoma imzolashdan oldin yozda Bergamoga o‘tishi mumkinligi haqida xabarlar tarqalgan edi.