Saudiya valiahdining shaxsan o‘zi "Nyukasl"ni sotib olishni ma’qullagan
Saudiya Arabistoni rasmiylari "Nyukasl"ni sotib olish kelishuvida ishtirok etgan.
Saudiya Arabistoni suveren jamg‘armasi (PIF) klubni 2021 yilda 305 million funt sterlingga sotib olgan. Premyer-liga mamlakat rasmiylari "Nyukasl"ni nazorat qilmasligi haqida qonuniy kafolat olgandan keyingina kelishuvni ma’qulladi.
"Nyukasl"ning sobiq egasi Amanda Stavelining messenjeridagi yozishmalari internetga tarqaldi - uning mazmunidan ko‘rinib turibdiki, klubni egallash bo‘yicha kelishuv Saudiya Arabistoni valiahd shahzodasi Muhammad bin Salmon Al Saud tomonidan ma’qullangan bo‘lishi mumkin.
The Guardian nashrining xabar berishicha, Premyer-liga kelishuvning qonuniyligini ko‘rib chiqish uchun asos ko‘rmayapti. Shu bilan birga, liga o‘z qarorining oqibatlariga oydinlik kiritish uchun hakamlik komissiyasiga murojaat qildi.
