Bellingem "Real"ning Trent bo‘yicha muzokaralarida ishtirok etmaydi
Trent Alexander-Arnoldning "Liverpul"dan "Real Madrid"ga o‘tishi ehtimoli transfer bozorida eng ko‘p muhokama qilinadigan mavzulardan biri bo‘lib qolmoqda.
Angliyalik futbolchini La Liga giganti erkin agent sifatida o‘z safiga olishi mumkin. 26 yoshli futbolchining "qizillar" bilan shartnomasi 2025 yilning iyunida tugaydi.
Marca ta’kidlaganidek, Jud Bellingem o‘zining yaqin do‘stini "Real Madrid"da ko‘rishni istaydi, biroq "Liverpul"ni hurmat qilgani uchun muzokaralar jarayonida ishtirok etmaydi.
