Ronaldu Saudiya Arabistoni chempionatida 54 ta o‘yinda 55 ta gol urdi

"An-Nasr" hujumchisi Krishtianu Ronaldu ajoyib o‘yin namoyish etyapti.

Juma kuni portugaliyalik "Al-SHabab"ga qarshi o‘yinda qo‘shib berilgan vaqtda (2:1) penaltidan zarba berib, g‘alaba golini kiritdi. Bu gol 39 yoshli futbolchi uchun Saudiya Arabistoni chempionatidagi 54 o‘yindagi 55-gol bo‘ldi.

Yulduzning hisobida 15 ta golli uzatma ham bor. Krishtianu Ronaldu 2023 yil boshida "An-Nasr"ga o‘tgan edi.

Ronalduning amaldagi shartnomasi kelasi yozgacha amal qiladi.