Mbappe mojarolarga qaramay «Real» asosiy tarkibidagi o‘rnida qoladi

Kilian Mbappe mojarolar markazida qoldi - yulduz futbolchi zo‘rlashda ayblandi. Taxminlarga ko‘ra, voqea o‘tgan hafta «Real Madrid» forvardi bo‘sh vaqtini o‘tkazgan Shvesiyada sodir bo‘lgan.

Mojaroga qaramay, «Real Madrid» Mbappega ishonchini saqlab qoldi. Fransiyalik futbolchi Ispaniya chempionatining shanba kuni bo‘lib o‘tadigan «Selta»ga qarshi o‘yinida asosiy tarkibda maydonga tushishi kutilmoqda, deb xabar beradi "RMC Sport".

Avvalroq Kilian Mbappe matbuotdagi zo‘rlash haqidagi xabarlarni soxta deb atagan edi.