Shvesiyada Mbappe dam olgan mehmonxona tintuv qilindi
"Real Madrid" va Fransiya terma jamoasi hujumchisi Kilian Mbappe dam olgan Shvesiya poytaxti Stokgolm shahridagi mehmonxona tintuv qilindi.
Qayd etilishicha, qidiruvdan tashqari muassasa xodimlari ham so‘roq qilingan. Eslatib o‘tamiz, avvalroq Mbappe Stokgolmga safari chog‘ida jinsiy zo‘ravonlik qilgani haqida ma’lumot paydo bo‘lgan edi.
Mbappe yozda "Real"ga o‘tgan edi. Bu davrda fransiyalik futbolchi barcha turnirlarda 11 ta uchrashuvda ishtirok etib, 7 ta gol va bitta golli uzatmaga mualliflik qilgan.
