Arteta: "Arsenal" o‘zi xohlagan futbolchilar haqida juda aniq fikrlarga ega"

"Arsenal" bosh murabbiyi Mikel Arteta klubning yanvar oyidagi xaridlari haqida "juda aniq g‘oyalari" borligini aytdi.

Kechagina "Arsenal" Gabriel Jezus o‘zining xoch buragi shikastlanganini tasdiqladi va jarohatlar bo‘yicha Bukayo Saka, Rikkardo Kalafyori, Takexiro Tomiyasu va Ben Uayt safiga qo‘shildi.

Vaziyat "Arsenal"ni transfer bozoriga undamoqda va Arteta o‘z klubi bo‘sh o‘tirmasligiga ishora qildi.

"Biz kim bilan shartnoma imzolamoqchi ekanligimizni bilamiz. Ha, biz xohlagan futbolchilar haqida juda aniq fikrlarga egamiz.

Bu Gabriel Jezus jarohatlanishidan oldin ham bo‘lgan va hozir ham shunday. Keling, kutamiz va voqealar qanday rivojlanishini ko‘ramiz", - dedi Arteta ESPN bilan suhbatda.