"PSJ"ning Xvicha uchun qancha to‘lamoqchi ekani ma’lum bo‘ldi

"PSJ" yaqin vaqt ichida "Napoli" vingeri Xvicha Kvarasxeliya transferini yopishni kutmoqda.

Parijliklar allaqachon 23 yoshli futbolchi bilan 5 yillik shartnoma borasida kelishib olishgan. Endi klublar transfer tafsilotlarini hal qilishlari kerak.

Jurnalist Ben Jeykobsning so‘zlariga ko‘ra, hammasi "PSJ"ning "Napoli" Kvarasxeliya uchun dastlab talab qilgan 80 million yevro pulini to‘lay oladimi degan savol ostida ketmoqda.

Ayni dam fransuz giganti 60 millionga yaqin taklif bilan chiqqan va tomonlar allaqachon murosaga yaqin. Kelishuv kelasi hafta yopilishi juda mumkin.