Dembele Superkubokni qo‘lga kiritganidan so‘ng o‘z fikrlarini bildirdi

"PSJ" vingeri Usmon Dembele Fransiya Superkubogi doirasida "Monako"ga qarshi o‘yindagi g‘alabadan so‘ng (1:0) o‘z taassurotlari bilan o‘rtoqlashdi.

"Bu mening "PSJ" bilan to‘rtinchi sovrinim, men juda xursandman. "Mavsumning ikkinchi yarmi hayajonli bo‘ladi, men optimistman", - dedi Dembele, shuningdek, u "Manchester Siti"ga qarshi bo‘lib o‘tadigan Chempionlar Ligasi o‘yini haqida ham gapirib o‘tdi: "Bu o‘yin hammaning xayolida, bu juda muhim. Biz "Park de Prens"da "Siti"ni mag‘lub etmoqchimiz", deya futbolchining so‘zlaridan iqtibos keltirmoqda fransuz OAV.