Noyer qachon maydonga qaytadi?

"Bavariya" darvozaboni Manuel Noyer qovurg‘asi singanidan tiklanishni davom ettirmoqda.

Myunxenliklar sardori jarohati sabab jamoaning 2024 yildagi so‘nggi to‘rtta o‘yinini o‘tkazib yuborgan. Hozirda 38 yoshli darvozabon cheklangan yuklama bilan mashg‘ulotlarni davom ettirmoqda. U sog‘lig‘ini xavf ostiga qo‘ymaslik uchun ikki tomonlama o‘yinlarda qatnashmaydi. Biroq, Bild xabariga ko‘ra, faxriy yulduzning maydonga qaytishi 11 yanvar kuni, ya’ni "Bavariya" qishki tanaffusdan keyingi ilk o‘yinini Myonxengladbaxning "Borussiya"siga qarshi o‘tkazishi rejalashtirilgan.

Manba, shuningdek, Manuel Noyerning "Red Bull Zalsburg"ga qarshi bo‘lib o‘tadigan o‘rtoqlik o‘yinida ishtirok etishi so‘roq ostida ekanligini ta’kidlaydi. O‘yin dushanba kuni bo‘lib o‘tadi.