"Real Madrid" qishda Trentni qo‘lga kiritishga harakat qilmoqda

"Liverpul" himoyachisi Trent Alexandr-Arnold va "Real Madrid" haqidagi transfer ertagi davom etmoqda.

Jurnalist Mario Kortegananing so‘zlariga ko‘ra, ispan klubi Trentning yozda transferiga ishonadi, biroq angliyalik himoyachini qishki transfer oynasidayoq qo‘lga kiritishga harakat qilmoqda. Qayd etilishicha, yaqin kunlar va haftalar ichida "Real Madrid" tomonidan ingliz futbolchisining transferi bo‘yicha keyingi qadamlar qo‘yilishi mumkin.

26 yoshli Aleksandr-Arnold "Liverpul"ning yoshlar tizimi mahsuli bo‘lib, joriy mavsumda ingliz klubi safida barcha turnirlarda 24 ta o‘yin o‘tkazdi, biroq gol ura olmadi. Trentning "Liverpul" bilan shartnomasi 30 iyun kuni yakuniga yetadi.