Potter: "Chelsi"dagi tajriba meni yaxshiroq inson va yaxshi murabbiyga aylantirdi"
"Vest Xem"ning yangi bosh murabbiyi Grem Potterning fikricha, "Chelsi"dagi ko‘ngilsiz tajribasi uni yaxshiroq odamga aylantirgan.
Avvalroq, "Vest Xem" Potter bilan 2027 yilgacha shartnoma imzolaganini e’lon qilgandi. Grem "Chelsi"da ishdan bo‘shatilganidan keyin 20 oy o‘tib ishga qaytadi.
"Men Pep Gvardiolani tinglaganimda, u isbotlashi kerak bo‘lgan narsasi borligini aytadi. Agar uning isbotlashi kerak bo‘lgan narsasi bo‘lsa, demak, bu hammamizda bor. Bu haqiqat.
Professional sportda siz doimo har kuni isbotlashingiz kerak bo‘lgan narsaga ega bo‘lasiz. Bu sizni oldinga olib boradi. Shubhasiz, hech kim mukammal emas.
Hayot muvaffaqiyatga erishish, muvaffaqiyatsizlikni qabul qilish va mag‘lubiyatni qabul qilishdan iborat. Agar siz xatolarni qabul qilsangiz va ularga javob bersangiz, bu sizni kuchliroq qiladi. U bizning bir bo‘lagimiz bo‘ladi.
O‘ylaymanki, "Chelsi"dagi tajriba meni yaxshiroq inson va yaxshi murabbiyga aylantirdi", - dedi Potter.
