80 million yevro: "Manchester Siti" to‘purar hujumchi transferiga yaqinlashdi

Frankfurtning "Ayntraxt" klubi hujumchisi Omar Marmush "Manchester Siti"ga o‘tishga yaqin turibdi.

Nemis klubi sport direktorining misrlik futbolchini saqlab qolish niyati haqidagi so‘nggi bayonotlariga qaramay, "shaharliklar" kelishuv bo‘yicha turib olishda davom etishmoqda. Jurnalist Santi Auna xabariga ko‘ra, "Manchester Siti" transfer uchun so‘ralgan 80 million yevroni to‘lashga tayyor. Tomonlar og‘zaki kelishuvga allaqachon yaqinlashib qolgan. Futbolchining o‘zi ham yaqin orada ingliz grandlari safiga qo‘shilishni istamoqda.

Omar Marmush joriy mavsumda "Ayntraxt" safida 24 ta o‘yinda 18 ta gol va 12 ta golli uzatmaga mualliflik qilgan.