Saudiyaning ikki klubi Kazemironi sotib olmoqchi
"An-Nasr" va "Al-Qodisiya" klublari "Manchester Yunayted" yarim himoyachisi Kazemiroga qiziqish bildirmoqda. Futbolchi “qizil iblislar”ning yangi bosh murabbiyi Ruben Amorimning rejalariga kirmaydi.
Kazemiro 2022 yilning avgust oyida "Real"dan "Manchester Yunayted"ga o‘tgan edi. Uning shartnomasi 2026 yilning iyunigacha amal qiladi. Joriy mavsumda 32 yoshli himoyachi barcha turnirlarda 22 ta o‘yin o‘tkazib, 3 ta gol urishga muvaffaq bo‘ldi.
Avvalroq “Manchester Yunayted” qishki transfer oynasida 3 nafar futbolchisi bilan xayrlashishni rejalashtirayotgani haqida xabar berilgandi.
