Kassano: "Reshfordning maoshini Italiyada kim ko‘taradi? Hech kim!"
Antonio Kassano Markus Reshfordning mahoratiga yuqori baho berdi.
"Manchester Yunayted" hujumchisi yanvar oyida "Milan"ning asosiy maqsadi bo‘lgani xabar qilingandi. Unga "Komo" va "Yuventus" ham qiziqish bildirmoqda.
"Biz fantastik futbolchi haqida gapiryapmiz, men u haqida aqldan ozganman. Uch emas, besh emas, o‘n yil oldin emas, atigi bir yarim yil oldin u vinger sifatida o‘ynagan bo‘lsa-da, mavsumni 28 gol bilan yakunlagandi. Fantastik futbolchi. "Manchester Yunayted"da nimadir uning uchun ishlashni to‘xtatdi, avvaliga ten Xag qo‘l ostida, endi esa Amorim qo‘l ostida.
Muammo shundaki, u yiliga 12 million yevro maosh oladi. Italiyada bunday xarajatlarni kim ko‘tara oladi? Hech kim.
Agar Markus "Milan" yoki "Yuventus"ga o‘tsa yaxshi bo‘lardi, lekin uning bizning ligaga o‘tishi mumkin emas deb o‘ylayman", - dedi sobiq italiyalik forvard Viva El Futbol telekanalida.
