Zidanning Fransiya terma jamoasini boshqarishni istayotganining sabablaridan biri nomi ma’lum bo‘ldi
Bir kun avval Didye Desham Fransiya terma jamoasini amaldagi shartnomasi tugagach – 2026 yilgi jahon chempionatidan keyin tark etishi ma’lum qilingandi. Bu Zinedin Zidanga terma jamoa bosh murabbiyligiga yo‘l ochadi.
Fransuz uzoq vaqtdan beri o‘z mamlakati terma jamoasini boshqarishni orzu qilgan va shu bois bir necha yillardan beri klublar taklifini rad etib keladi.
Zidanning Fransiya terma jamoasini boshqarishni xohlayotganining sabablaridan biri shundaki, bu holda mutaxassis Madridda yashashni davom ettira oladi.
