Merson Mourinyoning "Everton"ga tayinlanishi haqida gapirdi

Pol Merson "Everton"ga Joze Mourinyoning tayinlanishiga shubha bildirdi.

Avvalroq OAVda klubning yangi xo‘jayini Den Fridkin Shon Daychga o‘rinbosar sifatida "Fenerbaxche"ni boshqarayotgan Mourinyoni ko‘rib chiqayotgani haqida xabarlar tarqalgandi.

"Men Joze Mourinyoning ashaddiy muxlisiman. U ajoyib, tarixdagi eng buyuklaridan biri. Lekin men uni bu ishda ko‘rmayapman. "Everton" omon qolish uchun qiyin kurash olib bormoqda. Va men Shon Daych qila olmaydigan narsani u qila olishini tushunmayapman. Men hech qanday farqlarni ko‘rmayapman.

Shuning uchun bu mish-mishlardan juda hayronman. Ha, u futbolda juda muhim shaxs. Lekin men juda ehtiyot bo‘lardim", - dedi “Arsenal”ning sobiq futbolchisi.

"Everton" APL turnir jadvalida 20-turdan keyin 16-o‘rinda bormoqda.