Kyezaga da’vogar klublar nomi ma’lum bo‘ldi

"Fiorentina" Federiko Kyeza transferini jiddiy o‘ylamoqda.

Avvalroq "Liverpul" vingeri Italiyaga qaytishni istashi, "Fiorentina" esa vaziyatni kuzatib borayotgani haqida xabar berilgandi.

FirenzeViola.it nashri yozganidek, klub haqiqatan ham futbolchining qishki transfer oynasidagi transferini ko‘rib chiqmoqda.

Biroq, kelishuvga futbolchining maoshi to‘siq bo‘lishi mumkin. "Liverpul"da Kyeza 7 million yevrodan sal kam daromad oladi. Italiya klubi bunday summani ko‘tara olmaydi.

"Milan" va "Napoli" ham futbolchini o‘z safiga qo‘shib olmoqchi.