“Liverpul” futbolchisi jamoani tark etishni istaydi

Federiko Kyeza “Liverpul”ni tark etmoqchi.

Foot Mercato jurnalisti Valentin Fayette xabariga ko‘ra, hujumchi Italiyaga qaytishni afzal ko‘rmoqda.

Ayni damda futbolchini ijaraga olish varianti ko‘rib chiqilmoqda. Italiyalik futbolchiga "Napoli" va "Inter" klublari qiziqish bildirgan.

“Fiorentina” ham vaziyatni kuzatib bormoqda.

Kyeza o‘tgan yozda "Yuventus"dan 13 million yevro evaziga "Liverpul"ga o‘tgan edi. Uning shartnomasi 2028 yilgacha mo‘ljallangan.

Premyer-liganing joriy mavsumida 27 yoshli Kyeza 1 ta o‘yin o‘tkazdi.