"Napoli" o‘z safiga yangi markaziy yarim himoyachi qo‘shib oldi

"Napoli" "Lechche" markaziy yarim himoyachisi Luis Xasa bilan shartnoma imzoladi.

Hujumning chap qanotida ham o‘ynay oladigan 21 yoshli italiyalik futbolchi "Yuventus" tarbiyalanuvchisi hisoblanadi, ammo u turinliklar asosiy jamoada debyut qilmagan. Transfermarkt.com ma’lumotlariga ko‘ra, Xasaning transferi "Napoli"ga 500 ming yevroga tushadi.

Luis 2024 yilning avgustida "Yuventus"dan 150 ming yevroga o‘tganidan beri "Lechche"da o‘ynamoqda. Bu mavsumda u Italiya kubogi doirasida "Sassuolo"ga qarshi o‘yinda (0:2) 10 daqiqa o‘ynadi.