Benatiyaning "Marsel"da lavozimi ko‘tarildi

"Marsel" sport maslahatchisi Medhi Benatiya klubning futbol bo‘yicha direktori etib tayinlandi.

37 yoshli marokashlik sobiq futbolchi Xavyer Ribalta o‘rniga 2023 yilning noyabridan beri sport maslahatchisi sifatida ishlab kelayotgandi.

Benatiya 2003 yildan 2008 yilgacha "Marsel"da o‘ynagan. Sobiq markaziy himoyachi 2021 yilning noyabrida professional futboldagi faoliyatini yakunladi. Uning so‘nggi klubi "Fotih Karagumruk" bo‘lgan.

"Marsel" ayni damda Liga 1 turnir jadvalida ikkinchi o‘rinda bormoqda.