"Real" Edersonni zaxira varianti sifatida ko‘rmoqda

Madridning "Real" klubi Ederson Lourensoni sotib olmoqchi.

«AS» xabariga ko‘ra, Madrid klubi "Real Sosyedad" bilan Martin Subimendi transferi bo‘yicha kelishuvga erisha olmasa, "Atalanta" yarim himoyachisi bilan shartnoma imzolashi mumkin.

Bergamoliklar foydali taklif tushsa, Edersonni sotishga tayyor - transferning ehtimoliy summasi 60 million yevroni tashkil qilishi mumkin.

Qayd etilishicha, yozda "Atalanta" Ederson bo‘yicha bir nechta takliflarni rad etgan – xususan, "Atletiko" braziliyalik uchun 55 million yevro to‘lashga tayyor edi. Futbolchiga "Manchester Siti" va "Manchester Yunayted" ham qiziqish bildirmoqda.