"Barselona"ning ikki hujumchisi "Betis"ga ijaraga berilishi mumkin

"Betis" "Barselona"dan Ansu Fati va Pau Viktorni ijaraga olishi mumkin.

«Diario Sport» xabariga ko‘ra, Fatining agenti Jorje Mendesh vingerni "Betis", "Jirona" va "Valensiya"ga taklif qilgan. "Barselona" bilan yaxshi munosabatlar o‘rnatgan Andalusiya klubi Fatini mavsum oxirigacha ijaraga olish variantini jiddiy ko‘rib chiqmoqda. Ansuga Premyer-liganing bir qancha klublari ham qiziqish bildirmoqda va agar "Barselona" Dani Olmo va Pau Viktorni ro‘yxatdan o‘tkaza olsa, ushbu transfer oynasida Kataloniya klubini tark etishi kutilmoqda.

Bundan tashqari, "Betis" Viktorning holatini kuzatib bormoqda va agar uni ro‘yxatdan o‘tkazish rad etilsa, forvardni ijaraga olishga tayyor. Biroq, ayni damda hamma narsa Viktorning "Barselona"da qolishidan dalolat bermoqda.