"Chelsi" "MYU" futbolchisiga ko‘z tikkan

Yarim himoyachi Kobbi Maynu yaqin kelajakda "Manchester Yunayted"ni tark etishi mumkin.

Agar 19 yoshli futbolchi o‘z jamoasini tark etishga qaror qilsa, uni qo‘lga kiritish uchun kurashda "Chelsi" favorit bo‘ladi.

Bu haqda Daily Mail jurnalisti Kris Uiler xabar bermoqda. 2024/2025 yilgi mavsumda Maynu “Manchester Yunayted”ning 17 ta rasmiy uchrashuvida qatnashgan.

Ularda yarim himoyachi samarali harakatlari bilan ko‘zga tashlanmadi. Nufuzli Transfermarkt portali mutaxassislari Kobbini 55 million yevroga baholamoqda.

Futbolchining "qizil iblislar" bilan amaldagi shartnomasi 2027 yilning o‘rtalariga qadar tuzilgan.