"Milan" yubiley sovrinini qo‘lga kiritdi

Italiya Superkubogi final uchrashuvida "Milan" "Inter"ni mag‘lub etdi (3:2).

Jamoa o‘z tarixidagi 50-kubogini qo‘lga kiritdi. "Milan" 8 marta Superkubokni qo‘lga kiritgan.

Bundan tashqari, "rossonerilar" 19 marta Italiya chempionligi, 5 marta Italiya kubogi, 7 marta Kubok/CHempionlar ligasi, ikki marta Kubok egalari kubogi, 5 marta UYEFA Superkubogi sohibi bo‘lgan.

"Milan" yana uch marta Qit’alararo kubokni qo‘lga kiritdi. 2007 yilda jamoa klublar o‘rtasidagi jahon chempionatida g‘olib chiqdi.