"Barsa" Son Xyon Minni taklif qilishi mumkin

"Barselona" "Tottenxem"ning koreyalik hujumchisi Son Xyon Minni o‘z safiga qo‘shib olmoqchi, deb xabar beradi El Nacional.

Manbaga ko‘ra, futbolchi 2025 yilning yozida erkin agentga aylanishi mumkin. Futbolchining ingliz klubidagi kelajagi noaniqligicha qolmoqda, hujumchi "Tottenxem"da erisha olmagan sovrinlarni yutmoqchi. Kataloniyaliklar yaqin orada futbolchi bilan dastlabki shartnoma imzolashga harakat qiladi.

Transfermarkt portali 32 yoshli Sonning transfer qiymatini 38 million yevroga baholamoqda. Futbolchining "shporlar" bilan shartnomasi 2025 yilning yoziga qadar mo‘ljallangan.