Jarohatdagi Bernal "Barselona" bilan Saudiya Arabistoniga safar qiladi

"Barselona" yarim himoyachisi Mark Bernal jarohatiga qaramay jamoa bilan birga bo‘lmoqda.

Mavsum boshida olgan og‘ir jarohati tufayli 17 yoshli futbolchi taxminan bir yil maydonga tusha olmaydi. Shunga qaramay, yarim himoyachi Ispaniya Superkubogi uchun Bilbaoning "Atletik"iga qarshi o‘yin uchun jamoa bilan Saudiya Arabistoniga uchib ketish istagini bildirdi - bosh murabbiy Xans-Diter Flik rozi bo‘ldi, deya xabar beradi jurnalist Gabriel Sans. Biroq jarohatidan tiklanishni davom ettirayotgan darvozabon Mark-Andre ter Shtegen safarga chiqmaydi.

"Barselona" va "Atletik" o‘rtasidagi Ispaniya Superkubogi yarim final uchrashuvi 8 yanvar kuni bo‘lib o‘tadi, final esa 12 yanvarga belgilangan.