Xyurseler: "Bizga barqarorlik va intensivlik yetishmayapti"
Angliya chempionatida APLning 20-turi boshlandi. Turnir jadvalida peshqadamlardan biri Londonning “Arsenal” klubi “Brayton”ga yo‘l oldi, biroq u yerda raqibini mag‘lub eta olmadi. O‘yin natijasi haqida "chaykalar" ustozi Fabian Xyurseler shunday dedi.
"Bu mavsumda bir necha bor shunday bahslarda g‘alaba qozonishimiz kerakligini aytdim va ochig‘i, durang meni xafa qildi. Biz barqaror o‘ynay olmadik, raqibga doimiy bosim o‘tkaza olmadik, butun 90 daqiqa davomida bizda intensivlik yetishmadi.
Biz golli vaziyatlarni amalga oshirish borasida yaxshi ish qilmayapmiz, bunin ustida ishlash kerak bo‘lgan narsa bor, lekin raqibga ko‘p vaziyatlar yaratishga imkon bermadik. Ular darvoza tomon bitta zarba yo‘llashdi va gol urishdi", deb Xyurseler so‘zlarini keltiradi BBC Sport.
