Bir necha kundan so‘ng Konseysaular o‘zaro to‘qnash keladi

30-dekabr, dushanba kuni Serxio Konseysau rasman “Milan” bosh murabbiyiga aylandi.

Qizig‘i shundaki, bir necha kundan keyin "rossonerilar" uning boshchiligida Fransisko Konseysau o‘ynaydigan "Yuventus"ga qarshi bahs olib boradi.

Kichik Konseysau o‘tgan yozdan beri "Yuve"da o‘ynamoqda va Serxioning o‘g‘li hisoblanadi.

Qolaversa, Fransisko o‘tgan mavsumda Serxio Konseysau boshchiligida "Portu"da o‘ynadi. Italiya Superkubogi yarim finalidan o‘rin olgan "Yuventus" - "Milan" o‘yini bo‘lib o‘tadi. Uning sanasi 3-yanvar, kelayotgan juma kuniga belgilangan.