"Borussiya D" hujumchisiga 30 million yevro narx belgiladi

«Sky Sport» jurnalisti Florian Plettenbergning xabar berishicha, Dortmundning "Borussiya" klubi o‘ng qanot hujumchisi Doniyell Malen uchun narx belgilagan.

Manbaga ko‘ra, nemis klubi 25 yoshli niderlandiyalik uchun 30 million yevro olmoqchi.

"Borussiya Dortmund" allaqachon "Aston Villa"ning 16 million yevro + bonuslar taklifini rad etgan. Shundan so‘ng inglizlar 18 million yevro+bonus taklif qilishdi.

Joriy mavsumda Malen 20 uchrashuvda 5 ta gol urdi va 1 ta golli uzatmani amalga oshirdi.