Modrich yana bir rekord sari odimlamoqda

Luka Modrich "Real Madrid" safidagi o‘yinlari soni bo‘yicha 10-o‘rinni egallab turibdi.

39 yoshli yarim himoyachi Madrid klubi safida barcha turnirlar doirasidagi 561-o‘yinini o‘tkazdi va La Liga doirasida "Valensiya" bilan o‘yinda (2:1) gol urdi. Xorvatiyalik futbolchi Pirri bilan tenglashdi, u ham "Real" safida 561 ta o‘yin o‘tkazgan.

577 uchrashuv bilan ro‘yxatda 9-o‘rinni Xose Antonio Kamacho egallab turibdi. Rekord Raulga tegishli - 741.

Kuchli sakkizlikka, shuningdek, Iker Kasilyas (725), Manolo Sanchis (710), Serxio Ramos (671), Karim Benzema (648), Santilyana (645), Fernando Yerro (601) va Fransisko Xento (600) kiradi.