"Nyukasl" posboni Saudiya Arabistoni klubiga o‘tishga rozilik berdi
"Nyukasl" darvozaboni Martin Dubravka faoliyatini Saudiya Arabistonida davom ettiradi. Jurnalist Fabrisio Romanoning so‘zlariga ko‘ra, 35 yoshli slovakiyalik posbon "Al-SHabab" bilan shaxsiy shartnoma shartlarini kelishib olgan va "Nyukasl" ushbu qarorni ma’qullasa, Martin darhol yangi klubga o‘tadi.
35 yoshli Dubravka joriy mavsumda "Nyukasl"ning barcha turnirlarida sakkizta o‘yinda qatnashdi va o‘z darvozasidan ikkita gol o‘tkazib yubordi. Martinning "Nyukasl" bilan amaldagi shartnomasi 2025 yilning 30 iyunida tugaydi. Martin ingliz klubiga 2018 yilning iyul oyida to‘rt million yevro evaziga o‘tgan edi.
