"Manchester Yunayted" uchun dekabr omadsiz o‘tdi

Ruben Amorim "Manchester Yunayted"ning natijalarini darhol yaxshilay olmadi.

“Qizil iblislar” 2024-yilning so‘nggi o‘yinida o‘z maydonida “Nyukasl”ga mag‘lub bo‘ldi (0:2). Umuman olganda, "mankunianliklar" dekabr oyi davomida barcha turnirlarda oltita mag‘lubiyatga uchradi.

Opta xabariga ko‘ra, bu klubning so‘nggi 94 yildagi antirekordidir. 1930-yilning sentyabr oyidan beri bunday natija hali sodir bo‘lmagan, o‘shanda vaziyat bundan ham yomonroq edi - bir oy ichida yettita mag‘lubiyat qayd etilgan.