"Manchester Siti" Kayl Uokerning o‘rniga futbolchi topdi

Angliyaning “Manchester Siti” futbol klubi “Nottingem Forest” himoyachisi Ola Aynuni “shaharliklar” futbolchisi Kayl Uokerning o‘rnini bosuvchi nomzod sifatida tanladi.

OAV xabarlariga ko‘ra, Xosep Gvardiolaga Aynuning o‘yin xarakteri yoqadi, xususan, "Manchester Siti" bosh murabbiyini himoyachining har ikki qanotda o‘ynash qobiliyati o‘ziga tortadi. Futbolchining "Nottingem Forest" bilan shartnomasi 2025 yilning yozida tugaydi, ya’ni "shaharliklar" futbolchi bilan qishda individual shartnoma shartlari bo‘yicha muzokara olib borishi mumkin.

Joriy mavsumda Ola Aynu Angliya Premyer-ligasida “Nottingem Forest” safida 18 ta o‘yin o‘tkazib, ikkita gol urdi.