Mashhur klub Serxio Ramosga taklif bilan chiqdi

"Boka Xuniors" rahbariyati ispaniyalik himoyachi Serxio Ramosga shartnoma taklif qildi. Bu haqda insayder Ekrem Konur ijtimoiy tarmoqlar orqali xabar berdi.

Argentina top-klubi 38 yoshli futbolchi bilan bir mavsumga uzaytirish imkoniyati bilan bir yillik mehnat shartnomasini tuzishga tayyor. Ramosning so‘nggi ish joyi Ispaniyaning "Sevilya" klubi bo‘lgan.

Himoyachi hozirda erkin agent maqomida. 2023/2024 yilgi mavsumda Serxio Andalusiya jamoasi safida 37 ta o‘yinda ishtirok etgan. Ramos yettita gol urdi va bitta golli uzatmani amalga oshirdi.