Amorim boshchiligidagi "MYU" himoyasi rasvo o‘yin ko‘rsatmoqda

"Manchester Yunayted" Ruben Amorim qo‘l ostida deyarli ikki baravar ko‘p gol o‘tkazib yubormoqda.

Mankunianliklar APLning 18-turida "Vulverxempton"ga 0:2 hisobida imkoniyatni boy berishdi. Portugaliyalikning "Manchester Yunayted" boshqaruvidagi ilk o‘yini 24 noyabr kuni bo‘lib o‘tgan - "Ipsvich" bilan durang bo‘lgandi (1:1).

"Yunayted" Amorim qo‘l ostida 10 ta o‘yin o‘tkazib, 19 ta gol o‘tkazib yuborgan. U kelishigacha bo‘lgan mavsumning 18 o‘yinida 20 ta gol o‘tkazib yuborilgandi.

"Yunayted" hozirda 22 ochko bilan APL turnir jadvalida 14-o‘rinda bormoqda.