"Vest Xem" "PSJ"dan yarim himoyachini sotib olmoqchi

Mavsum boshida "PSJ"dan ijara asosida "Vest Xem"ga o‘tgan ispaniyalik yarim himoyachi Karlos Soler faoliyatini Angliya klubida doimiy ravishda davom ettirishi mumkin.

Fransiyaning Le Parisien nashri xabariga ko‘ra, “bolg‘achilar” ispaniyalikning o‘yinidan mamnun va uni “PSJ”dan sotib olmoqchi.

Karlos joriy mavsumda 14 ta o‘yinda maydonga tushib, 1 ta golli uzatmani amalga oshirdi. Transfermarkt futbolchining transfer narxini 20 million yevroga baholamoqda.