"Real"ning sobiq futbolchisi Ispaniyaga qaytishi mumkin
Huquqlari Fransiyaning “PSJ” klubiga tegishli bo‘lgan ispaniyalik yarim himoyachi Marko Asensio faoliyatini Ispaniya chempionatida davom ettirishi mumkin.
Todofichajes jurnalistlarining xabar berishicha, 28 yoshli futbolchining transferiga "Real Sosyedad" qiziqmoqda.
Ispaniya klubi qishki transfer oynasida yarim himoyachini qo‘lga kiritishga harakat qiladi. Asensioning transfer narxi 20 million yevroga baholanmoqda. Tomonlar o‘rtasidagi amaldagi shartnoma 2026 yilning yozida yakuniga yetadi.
