«Liverpul» Trentning o‘rnini «Barsa» tarbiyalanuvchisi bilan yopmoqchi

«Selta» futbolchisi Oskar Mingesa faoliyatini Angliya Premyer-ligasining top-klubida davom ettirishi mumkin. Bu haqda "Todofichajes" portali xabar bermoqda.

Manbaning xabariga ko‘ra, 25 yoshli futbolchining transferiga «Liverpul» qiziqish bildirmoqda. Mersisayd klubi rahbarlari Mingesani «Real» bilan shartnoma imzolash arafasida turgan Trent Aleksandr-Arnoldning o‘rniga futbolchi sifatida ko‘rmoqda.

Oskarning transfer narxi 12 million yevroga baholanmoqda. Uning klub bilan amaldagi shartnomasi 2026 yilning iyun oyi oxirida yakuniga yetadi.