Gvardiola — durang haqida: «Biz juda yaxshi o‘ynadik»
"Manchester Siti" bosh murabbiyi Xosep Gvardiola APLning 18-turida "Everton" bilan durang o‘yindan keyin o‘z fikrlarini bildirdi.
Murabbiy jamoasini ko‘rsatgan o‘yin uchun maqtab, keyingi o‘yinga yaxshiroq tayyorgarlik ko‘rish kerakligini ta’kidladi:
«Biz juda yaxshi o‘ynadik. Hozir jamoamizda shunday holat kuzatilmoqda: dastlab imkoniyatlar yaratamiz, keyin esa raqib birinchi bor darvozamizga yaqinlashgandayoq gol o‘tkazamiz. Shuning uchun yana ko‘proq ishlashimiz kerak.
Bunday raqibga qarshi o‘yin juda yuqori darajada o‘tdi: ham hujumda, ham himoyada. Jamoamiz jarima maydonidan ko‘p marta zarba berdi, ammo xohlagan natijaga erisha olmadik.
Hozir bizga dam olish va keyingi o‘yinni eng yaxshi kayfiyat bilan o‘tkazish kerak. Shuni qilishimiz zarur», – dedi Gvardiola.
Uchrashuv 1:1 hisobida yakunlandi. Hozirgi paytda "Manchester Siti" APL turnir jadvalida 7-o‘rinda joylashgan.
