"Chelsi" futbolchilari 18 avgustdan buyon ilk bor APLda gol urolmadi

22 dekabr oqshomida "Chelsi" "Gudison Park"da "Everton" mehmoni bo‘ldi. Uchrashuv golsiz durang bilan yakunlandi.

Qizig‘i, Enso Mareska shogirdlari birinchi turdan buyon ilk bor gol ura olmadi, agar faqat Premyer-liga uchrashuvlarini hisobga olsak. "Chelsi"ning Premyer-ligadagi 22 dekabrgacha bo‘lgan so‘nggi golsiz o‘yini 18 avgust kuni bo‘lgan. O‘shanda "ko‘klar" 1-turda o‘z uyida "Manchester Siti"ni qabul qilgandi (0:2).

Darvoqe, bu mavsumda jami rasmiy o‘yinlarni hisobga oladigan bo‘lsak, "Chelsi"da bor yo‘g‘i ikkita o‘yinda gol urilmagan. Ikkinchi shunday uchrashuv 30 oktyabr kuni Angliya liga kubogi doirasidagi "Nyukasl"ga qarshi kechdi. O‘shanda "ko‘klar" "qarg‘alar"ga 0:2 hisobida imkoniyatni boy berishgandi.