"Chelsi" ketma-ket 7-g‘alabasiga erishdi

"Chelsi" g‘alabali seriyasini uzaytirdi.

Londonliklar APLning 16-turida "Brentford"ni mag‘lub etishdi (2:1).

Bu "Chelsi"ning ketma-ket yettinchi g‘alabasi bo‘ldi. Bundan tashqari, Enso Mareska shogirdlari ketma-ket 10 o‘yindan beri mag‘lubiyatga uchramayapti - 8 g‘alaba va 2 durang.

Oxirgi mag‘lubiyat 30 oktyabr kuni Angliya Liga kubogi doirasida "Nyukasl"ga qarshi kechgandi (0:2).

"Chelsi" 34 ochkoga ega va APL turnir jadvalida ikkinchi o‘rinda bormoqda. "Liverpul" hisobida 36 ochko va bir o‘yin bor.

"Chelsi"ning navbatdagi o‘yini Konferensiyalar ligasida "Shemrok Rovers"ga qarshi bo‘ladi. Uchrashuv 19 dekabr kuni bo‘lib o‘tadi.