"Chelsi"ning 8 o‘yinlik g‘alabali seriyasi yakunlandi

"Chelsi"ning sakkiz o‘yindan iborat g‘alabali seriyasiga chek qo‘yildi.

Bugun Enso Mareska shogirdlari APLning 17-turida "Everton" bilan durang o‘ynadi (0:0).

Bungacha "Chelsi" APL va Konferensiyalar ligasida ketma-ket 8 o‘yinda g‘alaba qozongandi - "ko‘klar" oxirgi marta 10 noyabr kuni "Arsenal" bilan derbida (1:1) ochko yo‘qotishgandi.

"Chelsi" barcha musobaqalarda qatorasiga 12 uchrashuvdan beri mag‘lub bo‘lmayapti, bu davrda 9 ta g‘alaba va 3 ta durang qayd etgan.

Jamoaning so‘nggi mag‘lubiyati 30 oktyabr kuni Angliya liga kubogi doirasida "Nyukasl"dan mag‘lub bo‘lgan (0:2).

"Chelsi" navbatdagi o‘yinda "Fulxem" bilan o‘ynaydi. 26 dekabr kuni Premyer-ligada 18-tur o‘yinlari bo‘lib o‘tadi.