Arne Slot "Liverpul"ning turnir jadvalidagi holatiga baho berdi

"Liverpul" bosh murabbiyi Arne Slot turnir jadvalidagi vaziyat haqida o‘z fikrlarini bildirib o‘tdi.

Mersisaydliklar 17-turda "Tottenxem"ni 6:3 hisobida mag‘lub etib, peshqadamlikni mustahkamladi. Endilikda "qizillar" bir o‘yin zaxirasi bilan ikkinchi o‘rindagi "Chelsi"dan 4 ochko oldinda.

"Bu bizning juda yaxshi jamoa ekanligimizdan dalolat beradi. Birinchi davra tugashiga hali uchta o‘yin bor, lekin bu yerga kelib, bugungidek o‘ynasangiz, sizni mag‘lub etish oson bo‘lmasligi aniq. Ammo agar chempionlikni qo‘lga kiritish oson bo‘lsa, hamma buni uddalay olardi", dedi Slot Sky Sports nashriga.