Slot: "Hech kim mavsumni bunday boshlanishini kutmagandi"
"Liverpul" bosh murabbiyi Arne Slot APL doirasida "Manchester Siti"ga qarshi o‘yindan so‘ng (2:0) mavsum boshlanishiga baho berdi.
"Mersisaydliklar" "Arsenal" va "Chelsi"dan 9 ochko, "shaharliklar" 11 ochko oldinda.
"O‘ylashimcha, hech kim, shu jumladan men ham mavsumning bunday boshlanishini bashorat qila olmasdi. Yurgen Klopp jamoani juda yaxshi holatda tark etishini bilardim, ammo baribir: raqiblarning kuchliligini hisobga olsak, mavsum boshida bunday g‘alabalarni oldindan aytib bo‘lmasdi.
Lekin kecha men "Arsenal" o‘yinini ko‘rdim, bugun "Chelsi" o‘ynadi, "Manchester Siti"ni ham ko‘rdim. Ular yana g‘alaba qozonishadi, chunki bu jamoalarda yaxshi futbolchilar ko‘p. Ular biz bilan bir xil seriyalarni qayd etishlari mumkin. Shunday ekan, diqqatni jamlash kerak", — dedi Slot Sky Sports bilan suhbatda.
