Manchini jahon chempionatida g‘olib chiqish uchun Italiya terma jamoasiga qaytmoqchi

Italiya terma jamoasining sobiq bosh murabbiyi Roberto Manchini terma jamoaga qaytish istagini bildirdi.

Eslatib o‘tamiz, Manchini 2018 yildan 2023 yilgacha Italiya terma jamoasini boshqargan, shundan so‘ng Saudiya Arabistonida ishlagan.

— Terma jamoadan ketishim xato bo‘ldi. Albatta, qarorimga pul ta’sir qildi, lekin hozir buni qilmasdim. Italiya terma jamoasi bilan hali ham ishlash niyatim bor. Men jamoaga qaytishni va jahon chempioni bo‘lishni orzu qilaman», - deya Manchini so‘zlarini keltiradi «IlGiornale».

Aytish joizki, Manchini Italiya terma jamoasi bilan birgalikda 2020 yilgi Yevropa chempionatida g‘olib chiqdi.