Verratti: «PSJ» bilan uchrashishi mumkin bo‘lgan Yevropa jamoasiga o‘tishni xohlamadim»
«Al-Arabi» yarim himoyachisi Marko Verratti nima uchun «PSJ»ni tark etganini aytdi.
«Men Luis Enrike bilan gaplashdim va u menga men uning rejasiga kirmaganimni aytdi. Men buni shaxsiy qaror deb hisoblamaganman va unga qarshi hech narsam yo‘q. Munosabatlarimiz yaxshi edi. Enrike o‘zgarishni xohlardi va menimcha, unga boshqa o‘yinchilar kerak edi.
Men yangi tajriba orttirishni xohlardim. «PSJ» bilan uchrashishim mumkin bo‘lgan boshqa Yevropa jamoasiga o‘tishni xohlamadim. Bu Yevropada mening so‘nggi jamoam bo‘lishini xohlardim. Shunday taklif bo‘ldi va hozir menda boshqa zavq bor: chempionatni rivojlantirish, jamoadoshlarimga maslahat berish», - dedi Verratti.
Marko 2023 yilning sentyabr oyida 45 million yevro evaziga Qatarning «Al-Arabi» klubiga o‘tib, 3 yillik shartnoma imzoladi.
