Mudrik doping haqidagi xabardan so‘ng ijtimoiy tarmoqlardagi izohlarni o‘chirib qo‘ydi

17 dekabrga o‘tar kechasi Ukraina terma jamoasi va Londonning “Chelsi” klubining 23 yoshli vingeri Mixail Mudrikning doping-testdan ijobiy o‘tgani haqida ma’lumot paydo bo‘ldi. Hozircha futbolchi va uning vakillaridan bunga hech qanday munosabat bildirilmagan.

Biroq, bu yangilik internetda paydo bo‘lganidan so‘ng, Mudrik ijtimoiy tarmoqlardan birida o‘z postlariga izoh berish imkoniyatini o‘chirib qo‘ydi.

Mudrik oktyabr oyida doping-testdan ijobiy o‘tgani avvalroq xabar qilingandi. Futbolchining “A” namunasida taqiqlangan modda topildi. “B” namunasi yaqin kunlarda ochilishi kutilmoqda. Agar takroriy test ijobiy natija bersa, futbolchi to‘rt yilgacha diskvalifikasiya qilinishi mumkin.