Gvardiola: «Meni ishdan bo‘shatishlari mumkin»

«Manchester Siti» bosh murabbiyi Xosep Gvardiola natijalar yomonligi sababli ishdan bo‘shatilishi mumkinligini tan oldi. Shu bilan birga, mutaxassis hozircha o‘z ixtiyori bilan ketish niyati yo‘qligini ta’kidladi.

«Meni ishdan bo‘shatishlari mumkin. Bu sodir bo‘lishi ehtimoldan xoli emas. Ammo hozir o‘z xohishim bilan ketishmi? Aslo. Agar direktorlar kengashi mendan norozi bo‘lsa, ular meni ishdan bo‘shatishlari mumkin», - deya Gvardiolaning so‘zlarini keltirmoqda «Goal» portali.

Yakshanba kuni «Manchester Siti» Angliya Premyer-ligasining navbatdagi uy uchrashuvini «Manchester Yunayted»ga qarshi o‘tkazadi.